Vegna framhaldandi trupulleikar við drekkivatninum á Skælingi, verður aftur klora í morgin 27.09.2022 kl. 09.00, og tí kann klorsmakkur vera í drekkivatninum.
Eisini verður vatnið óstøðugt á Skælingi í morgin 27.09.2022.

Søkt verður eftir sjúkrarøktarfrøðingi til Heimatænatuna í VEKS, at seta skjótast tilber.

Talan er um eitt nýtt og spennandi starv har tú at arbeiðir í toymi saman við sjúkrarøktarfrøðingi, heilsurøktara, ergoterapeuti og demenssamskipara.

Starvsbrøkur 1,0 - ella eftir avtalu.

Starvið er í dagvaktum, gerandisdagar.

Arbeiðsstaður

  • ·Er á/út frá Røktarheiminum á Mørkini í Streymnesi. sum eisini fevnir um útiøkið í bygdunum í Sunda Kommunu á Streymoynni. Klinisku sjúkrarøktarfrøðingarnir í hesum øki, hava skrivstovu á Mørkini.

Tínar arbeiðsuppgávur vera í høvusheitum:

  • At veita kliniska sjúkrarøkt
  • Gera røktagongdir til bogarar í økinum
  • Miðla og fylgja upp á røktargongdir
  • Palliativa sjúkrarøkt
  • Vegleiða og undirvísa starvsfólkum
  • Hava samrøður við borgarar og avvarðandi
  • Vegleiða lesandi

Førleikar

  • Prógv og góðkenning sum sjúkrarøktarfrøðingur
  • Góðan telduførleika
  • Megnar at hava fleiri bóltar í luftini í senn
  • Hevur góð evnir at samskifta
  • Megnar at arbeiða sjálvstøðugt og í toymi
  • Koyrikort til persónbil

Vit vænta at tú hevur áhuga at arbeiða innan eldraøkið, hevur áhuga at arbeiða við røktargongdum og hevur áhuga í at viðvirka til at menna røktina til eldri.

Setanar- og lønarviðurskifti

Setanarstaðið er Heimatænastan í VEKS, við arbeiðsstaði út frá omanfyri nevndu støðum.

Tann, ið settur verður, má tola broytingar í starvinum, og at hetta kann verða umskipað til eisini at fevna um aðrar uppgávur.

Starvið verður sett sambært sáttmála millum Fíggjarmálaráðið og Felagið Føroyskir Sjúkrarøktarfrøðingar.

Umsókn

Skrivlig umsókn við avritum av prógvum, cv, viðmælum v.m. skal sendast til

This email address is being protected from spambots. You need JavaScript enabled to view it.  

ella

Heimatænastan í VEKS
Bakkavegur 59 
FO-350 Vestmanna

 

Freist
Umsóknir skulu vera okkum í hendi í seinasta lagi mánadagin 3. oktobur 2022 kl. 12:00.

Nærri upplýsingar um starvið fáast við at venda sær til:

  • Anniku Torbjarnardóttir, eindarleiðara á Røktarheiminum á Mørkini, á tlf. 793251

Heimatænastan í VEKS er eitt kommunalt samstarv ímillum Vestmanna- Eiðis-, Kvívíkar- og Sunda Kommunu.

Nærri lýsing av virkseminum sæst á heimasíðu okkara www.veks.fo

Av tí at bakteriur eru staðfestar í drekkivatninum á Skælingi, verður klorað 15. septembur 2022 kl. 09:00, og við tí kann klorsmakkur vera í drekkivatninum.

Tað eru staðfest bakteriur í drekkivatninum á Skælingi.

Fólk verða tí biðin um at kókað vatnið.

venjingar

Nú byrja fyribyrgjandi venjingarnar aftur. Venjingarnar í vetur verða
undir leiðslu av NB Fysioterapi, og verða á hesum støðum:

Streymnes: Burn venjingarmiðstøðin við Margáir

Mánadag og hósdag kl. 10:30 – 12:00

Byrjað verður mánadagin 5. september 2022

Vestmanna: Burn venjingarmiðstøðin í kappróðrarneystinum

Týsdag og fríggjadag kl. 10:30 – 12:00

Byrjað verður týsdagin 6. september 2022.

Kostnaður og gjaldstreytir

Borgarin rindar til Burn Fitness:
• kr. 199 pr. mánað (limagjald), um borgari teknar eina sjálvvirkandi gjalding.
• Kr. 249 pr. mánað, um borgari rindar við reiðum peningi.
• Kr. 199 Stovningargjald (eingangsgjald)

Avtala um gjald verður gjørd í samband við fyrstu venjing.

Limir í Burn Fitness hava atgongd til venjingarhølini allar dagar í árinum,

venjingarhølini eru opin.

Flutningur

Ætlanin er at skipa flutning til og frá venjing. Tekning til flutning skal gerast
við at siga frá á telefon 424525, (og síðan trýsta á 1) og uppgeva navn
og bústað. Eisini kann fráboðan um flutning sendast til This email address is being protected from spambots. You need JavaScript enabled to view it..

Sí skránna til Vestmannadagar 2022 her.

Bygdaráðið hevur samtykt at taka kajhúsið á Válinum niður.
Húsið er í vánaligum standi, og kommuna ynskir ikki at gera ábøtur á húsið. Tað er ikki heilt vandaleyst at lata tað standa, sum tað ger.
Tí er avgerð tikin um, at húsið skal takast niður nú.

Kvívíkar kommuna er vitandi um, at ymist er inn í húsinum, sum borgarar eiga. Viðkomandi eigarar verða bidnir um at taka tað út, sum ein eigur.
Hetta skal verða gjørt áðrenn 1. oktober 2022. Tá verður fari í holt við at taka húsið niður.

Kvívíkar Kommuna

Nú nátatíðin er fyri framman, vilja vit minna tykkum á serstøku leiðbeiningarnar viðv. burturbeiningini av leivdunum.

Hugsið um umhvørvið og havið hesar leiðbeiningar í huga:

  • Burturkastið skal vera so væl avvatnað sum gjørligt, fyri at minka um útlátið úr roykinum á Brennistøðini, sum kann dálka umhvørvið.
  • Fjaðrar skulu vera í posum, sum ikki eru heilt lufttættir, so posarnir ikki bresta, tá burturkastið verður handfarið víðari.
  • Leivdirnar kunnu latast inn á kommunala endurnýtsluplássið. Yvirlit yvir plássini og upplatingartíðirnar sæst her.
Fyribyrging av nátasjúku: 

Heilsufrøðiliga starvsstovan mælir til at taka hesi atlit fyri at fyribyrgja nátasjúku.

 

Kommunurnar og Ráðið fyri Ferðslutrygd minna bilførarar á at vísa serligt ansni, nú børnini fara í skúla aftur

Tann 18. august byrja skúlarnir aftur. Hetta merkir, at tað aftur verða børn í ferðsluni á veg í og úr skúla. Og fyri umleið 750 børn, verður hetta eisini fyrstu ferð, tey fara í skúla.

Vit skulu altíð geva bleytu ferðsluni gætur, men tá skúlarnir byrja, skulu vit vera serliga varin. Um hetta mundið kunnu vera fleiri børn, ið eru smá og óroynd í ferðsluni. Tað krevur, at ferðin verður sett niður, og at vit eru gáin.

14 kommunur heingja plakatir upp

Aftur í ár samstarva kommunur og Ráðið fyri Ferðslutrygd um átakið. Við skúlar verða skelti hongd upp, við áheitan um at vísa ansni. Hesaferð varð møguligt hjá kommununum at fáa egið búmerki á plakatirnar og hesum møguleika hava fleiri tikið av.

14 kommunur eru við í átakinum hesa ferð. Hesar eru: Eiðis -, Fuglafjarðar -, Hvalbiar -, Hvannasunds -, Klaksvíkar -, Kvívíkar -, Runavíkar -, Sjóvar -, Sumbiar -, Sunda -, Sørvágs -, Tórshavnar -, Vága - og Vestmanna kommuna.

Tilfar til foreldur

Men skelti gera tað ikki einsamøll. Tí leggur Ráðið fyri Ferðslutrygd upp til, at foreldur fara út í ferðsluna við børnunum at venja tey. Tað krevur venjing og royndir at gera børnini til trygg vegfarandi og at læra tey, hvørjum tey skulu ansa eftir á vegunum.

Tað er tíbetur sjáldan, at børn í føroysku ferðsluni fáa skaða, og hetta er millum annað tí, at foreldur duga væl at ansa eftir teimum, og hesum skulu vit halda fast í.

Tá barnið byrjar í skúla, er hetta ein nýggj støða, og hon krevur at barnið dugir at bera seg rætt at í ferðsluni. Barnið lærir ikki um ferðslutrygd av baksetrinum í bilinum, ella við at hyggja í eina bók. Tí verður mælt til, at foreldur fara út í ferðsluna saman við barninum. Tess meira foreldur og børn venja í ferðsluni, tess raskari verður barnið at ferðast sjálvt.

Allir næmingar í 1. flokki fáa ein súkkluhjálm og faldara við góðum ráðum til trygga atferð í ferðsluni. Eisini eru góð ráð og venjingar at finna á www.rff.fo. Í heyst fáa tey yngstu eisini endurskinsvest. Harumframt er ferðsla kravt undirvísingarevni í skúlanum.

20180830 111717

Á skránni verður ymiskt spennandi so sum bál, barnaundirhald, tónleikainnslag, fiskikapping, felagssangur, KSR skipar fyri onkrum í neystinum og LUNA verður eisini partur av tiltakinum. Skráin verður lýst seinni. Bussur fer at koyra úr Leynum út á Válin.

drekkivatn

Drekkivatnið á Válinum er nú reint aftur, og tí nýtist ikki at kóka drekkivatnið longur.

Vegna summarfrí er kommunuskrivstovan stongd frá 22. juli.

Opið verður aftur 11. august.

Um átrokandi boð eru, kann ringjast til borgarstjóran á telefon 292402.

 

Vinarliga

Kvívíkar kommuna

Fríggjadagin 1. juli varð hátíðarhildið, at tað eru 25 ár síðani, at Kvívíkar kommuna læt upp dagstovn á fyrsta sinni.

Fyrsti dagstovnurnin var í lærarahúsunum á Víkarvegnum. Har helt stovnurin til heilt fram til juli í 2010.
Í 2008 gjørdi bygdaráðið av at fara undir at byggja nýggjan dagstovn, tí gamli stovnurin nøktaði ikki tørvin.
Í juli í 2010 læt Áarlon upp. Ein snotiligur bygningur, sum bæði børn, foreldur og starvsfólk gleddust um.

 


Tvey av starvfólkunum eru enn í dag í starvi á stovninum. Tað eru systrarnar Lydia og Solveig.
Tær hava verið í starvi hjá Kvívíkar kommunu øll hesi árini og væl meir enn tað. Fyrst sum dagrøktarmammur og síðan á dagstovninum.
Á samkomu í Áarlon fríggjadagin vórðu tær báðar heiðraðar fyri trúgva tænastu.
Borgarstjórin helt røðu fyri teimum og segði millum annað:
“Tit eru systrar og líkar í nógvar mátar og um tykkum kann sigast, at tit eru trúfastar, álítandi og samvitskufullar.
Ongantíð bangnar fyri at “taka fatt” – tykkara partur liggur ikki eftir. Gull verdar... ikki minst, tá yngri, óroynd starvsfólk byrja í Áarlon.
Við tykkara nógvu og drúgvu praktisku royndum, sum tit hava givið víðari til nýggju starvsfólkini. Ikki bara tosað – men virkað.
Ganga ikki runt og brúka stór og fín orð, men vísa sínar dygdir í verki.
Kvívíkar kommuna virðismetir tykkara íkast, tykkara trúfesti, tykkara ídni og tykkara samvitskufulla arbeiði sera høgt."

Eisini hildu starvsfelagar og dagstovnaleiðarin røðu fyri teimum.

 

Solveig og Lydia

Kvívíkar kommuna hevur sum nakað nýtt sett tveir lærlingar. Kommunan hevur sett Kristian Martin og Edvard í læru sum húsavørðir.

Kristian Martin Elmelund Kjærbæk, sum býr í Sandavági, men hevur tøtt ættarbond í Kvívík, byrjaði í læru í februar. Edvard Petersen, sum býr í Leynum, byrjaði í læru í mai. Edvard hevur verið í starvi hjá Kvívíkar kommunu síðan 2017.

Kvívíkar kommuna ynskir at vera við til at útbúgva starvsfólkið. Kommunan hevur fleiri bygningar og maskinur at røkja, tí hevur Kvívíkar kommuna valt at seta lærlingar á hesum øki.

Sum húsavørðir koma teir millum annað at arbeiða við viðlíkahaldi av bygningum og maskinum í kommununi, heilt av Skælingi og út á Válin. Eisini verða smærri málara-, elektrikara-, og hvs- uppgávur at halda. Kvívíkar kommuna leggur stóra orku í, at lærlingarnir fáa eina dygdargóða útbúgving, har tað er trygt at fara víðari á yrkisleiðini eftir lokna útbúgving, og at trivnaðurin er góður í og eftir lærutíðina.

Lærutíðin er 3 ár og 9 mánaðir, og harav eru nakrar vikur á tekniskum skúla í Danmark.

Lærumeistarar eru Hans Jóhann Sørensen, borgarstjóri og Joen Jacob Andreasen, tøknileiðari.

Útbúgvingin sum húsavørður gevur góðar møguleikar á arbeiðsmarknaðinum og til at fara undir víðari lesnað, so sum byggifrøðing og byggiteknikara o. a.

Kvívíkar kommuna ynskir Kristian Martini og Edvardi vælkomnar í starvsfólkahópin.

20220608 133019

 

Í dag 16. juni verður Julian Mikkelsen 90 ár. Kvívíkar kommuna ynskir at senda honum eina heilsan á degnum.

Julian Mikkelsen býr í Kvívík, men er ættaður úr Sørvági. Julian hevur í samfull 22 ár røkt og hildið "Útgrevsturin" við líka. Hetta hevur Julian gingið høgt uppí og gjørt tað til fulnar. Útgrevsturin hevur staðið sum eitt prýði fyri bygdina, sum nógv fólk hava vitjað. Kvívíksingar eru stoltir av hesum vakra staði. Julian hevur røkt starvið fyri Kvívíkar kommunu. Nú hann er vorðin 90 ár hevur hann valt at siga starvið frá sær.

Kvívíkar kommuna vil takka Juliani fyri tíðina, hann hevur røkt starvið, og ynskir Juliani hjartaliga til lukku við føðingardegnum. Julian fer at halda dagin saman við familjuni, og vónandi fáa tey ein góðan dag saman.

 

20220608 133128

Kvívíkar kommuna bjóðar aftur í ár ungdóminum at gera smærri umvælingar, so sum at lúka, sópa gøtur, mála, rudda og annars fríðka um kommununa. Arbeiðið gongur fyri seg í hesum tíðarskeiðið:

  • Byrjar verður 27. juni og enda verður 8. juli

Tilboðið er galdandi fyri ungdómar í Kvívíkar kommunu, sum verða lidnir við 9 flokk í summar. Tey sleppa til arbeiðis í tvær vikur. Arbeiðstíðin er 8 tímar um dagin frá kl. 8 til 16, fimm dagar um vikuna.

Tilmelding fer fram við at koma inn á kommunuskrivstovuna, ella við at ringja 662400, eisini kann fráboðan sendast við telduposti til This email address is being protected from spambots. You need JavaScript enabled to view it. innan 13. juni 2022.
Í tilmeldingini skal upplýsast navn, telefonnummar, adressa, teldupostadressa, p-tal og kontonummar.

Kvívíkar kommuna ynskir at takka øllum, sum luttóku á árliga ruddingardegnum, fyri ein góðan og hugnaligan dag.

Sum lova á ruddingardegnum, seta vit her eitt sindur um planturnar, sum húskini fingu her.

Tann 6. juni skipar kommunan fyri gongutúri av Mýrunum til Kvívíkar. Farið verður úr Kvívík kl. 14, har bussur koyrir framm á Mýrarnar.

Randi Jacobsen verður ferðaleiðari.

Eftir túrin fáa vit góða suppi í Glæmuni..

Tilmelding áðrenn 1. juni á tlf. 662400 ella á teldupost bústað This email address is being protected from spambots. You need JavaScript enabled to view it.

Hundur kann ikki havast við í hagan.

Kvívíkar kommuna 

Tíðindaskriv frá VEKS

 

VEKS tillagar egingjøldini

Fyri at menna tænastustøði, og framtíðartryggja eldrarøktina, tillagar VEKS egingjøld hjá
borgarum, ið fáa tænastur frá VEKS.

Egingjøldini hava verið tey somu, síðan kommunurnar yvirtóku eldraøkið í 2015. Síðan tá er
kostnaðarstøðið hækkað munandi, uttan at egingjøldini hava fylgt við. Tí er talan um neyðugar
tillagingar, um tænastustøðið skal haldast og mennast.

Vestmanna -, Kvívíkar -, Sunda - og Eiðis kommunu mynda VEKS samstarvið, og stýrið fyri
VEKS er mannað av borgarstjórunum og bygdar- og býráðslimum í hesum kommunum. Tað er eitt
samt stýri, ið hevur samtykt tillagingarnar.

- Vit vilja tryggja okkara borgarum góð og virðilig ellisár og okkara starvsfólki góðar
arbeiðsumstøður, sigur Jógvan Kruse, stýrisformaður í VEKS.

VEKS við støðugt menna tænasturnar til borgararnar. Sum ein liður í hesum bjóðar VEKS í næstum
Dagdvølji í Vestmanna og í Streymnesi. Dagdvølja er eitt dagtilboð til borgarar, ið búgva heima,
men hava tørv á samveru og hjálp í dagtímunum. Eitt av nýggja gjøldunum er fyri hesa tænastu.

Umframt dagføringar av summum egingjøldum, verða nøkur nýggj gjøld ásett, eitt nú fyri reingerð,
inkontinent vørur, umframt eitt gjald fyri útbúnað og innskriving.

Nýggju egingjøldini eru galdandi frá 1. juli 2022. Teir borgarar, ið fáa broytt egingjald, verða
kunnaðir.

Kvívíkar kommuna søkir eftir einum handverkara til arbeiðstoymið hjá kommununi at byrja 1. juni 2022 ella skjótast tilber.

Kvívíkar kommuna søkir eftir einum arbeiðsfólkið til arbeiðstoymið hjá kommununi at byrja 1. juni 2022 ella skjótast tilber.

VEKS søkir eftir heilsurøktarum, heilsuhjálparum, hjálparfólki og frítíðaravloysarum.

Vilt tú verða við til at skapa góð og virðilig kor fyri aldrandi bornaran í Vestmanna-, Eiðis-, Kvívíkar- og Sunda kommunu?

Søkt verður eftir fólki at arbeiða í dagvaktum, kvøldvaktum, náttarvaktum og í vikuskiftum.

Sí nærri kunning og send umsókn her.

Kommunan hevur hin 01. marts 2022 givið Erik Heinesen tíðaravmarkað undantaksloyvi at taða fram til tann 15. mars 2022. Í "Frammanfyri húsini" við matr. nr. 80a í Leynahaga. Undantakið er givið við heimild í kunngerð nr. 72 frá 29. mai 2012 um taðing.

Undantaksloyvið er givið við teirri treyt at allar avmarkingar í kunngerðini annars verða hildnar.

Kommunan hevur hin 01. marts 2022 givið Dánjal Petur Müller tíðaravmarkað undantaksloyvi at taða fram til tann 15. mars 2022. Í "Útihaga" við matr. nr. 404a í Kvívíkshaga. Undantakið er givið við heimild í kunngerð nr. 72 frá 29. mai 2012 um taðing.

Undantaksloyvið er givið við teirri treyt at allar avmarkingar í kunngerðini annars verða hildnar.

Kommunan hevur hin 01. marts 2022 givið Norðurhaga v/Karstin Wang tíðaravmarkað undantaksloyvi at taða fram til 15. marts 2022 niðanfyri landsvegin niðan úr Gassádali matr. nr. 403 í Kvívík. Undantakið er givið við heimild í kunngerð nr. 72 frá 29. mai 2012 um taðing.

Undantaksloyvið er givið við teirri treyt at allar avmarkingar í kunngerðini annars verða hildnar.

Kunngerð um taðing (logir.fo)

ongan posa eftir

IRF ber gráar og hvítar posar út í viku 12 og 13.

Tvær ferðir árliga verða 28 gráir posar bornir út. Hetta røkkur til, at IRF heintar ein gráan posa um vikuna, umframt at hvørt húski hevur tveir eykaposar til hvørt hálvár. Manglar tær posar áðrenn viku 12, eru ov nógvir posar brúktir.

Í tí hvíta rullinum, sum verður borið út eina ferð um árið, eru 14 posar.

Innsavnararnir hjá IRF taka bert gráu, hvítu og reyðu posarnar frá IRF og ikki aðrar posar. Hvítu posarnir hjá IRF skulu bert nýtast til reint papp og pappír. Er annað burturkast í, verða teir ikki tiknir.

Eyka gráir posar kunnu keypast í handlum kring landið

Yvirlit yvir handlar, ið selja gráar IRF-posar, sæst niðast á síðuni her. Rullini við gráum posum kosta uml. 150 kr. og 5 posar eru í hvørjum rulli. Orsøkin til, at keypsposarnir frá IRF kosta meira enn vanligir svartir posar, er, at hesin prísur er íroknaður tænastuna frá IRF, har burturkastið verður heintað og burturbeint á rættan hátt.

Stórt húski?

Tá 6 fólk ella fleiri eru í húskinum, hevur tú rætt til fleiri posar, og fært tú teir við at boða kommununi frá. Síðani boðar kommunan IRF frá, sum skrásetir tykkum sum stórt húski. Les meira her.

Hvussu nógv kanst tú skilja við hús?

Papp og pappír Papp og pappír skal latast í hvíta posan hjá IRF. Les meira um hvíta posan her.

Konservesdósir og annað smátt jarn kann latast í jarnbingjuna á kommunala endurnýtsluplássinum

Battarí, ljósperur, spreydósir, smærri elektroniskir lutir, kemikaliu og annað serliga dálkandi burturkast skal latast í reyða posan hjá IRF. Les meira um reyða posan her.

Glaskrukkur, drekkigløs og glasfløskur kunnu latast inn á flestu kommunalu endurnýtsluplássini. Les meira um skiljing av glasi her.

Klárt bleytt plast kann eisini skiljast frá húsarhaldsburturkastinum. Tú kanst lata tað bleyta plastið í kláran posa, sum verður latin niður í hvíta posan. Talan er t.d. um bløðruplast og pakkiplast frá vøruplattum, møblum og klæðum. Les meira um bleytt plast her.

Nýt ikki IRF-posarnar til annað enn ruskstativið

Um tit nýta posarnar hjá IRF til rudding, umvæling, tómar fløskur, stórar føðingardagar, skreiðing, havaburturkast og tílíkt, so røkka posarnir ikki til, og tú mást út at keypa fleiri IRF-posar.

Í oktober vóru 25 ár, síðan Regin Djurhuus varð settur sum arbeiðsmaður hjá Kvívíkar kommunu. Í 2001 varð Regin settur sum arbeiðsformaður hjá kommununi, tað starvið røkti hann til 2018. Eisini hevur Regin í nógv ár verið virkin sum leiðari hjá Kvívíkar sløkkiliði.

Hetta varð hátíðarhildið í dag við hugnaligari løtu fyri starvsfeløgum og nærmastu familju á skrivstovuni hjá Kvívíkar kommunu. Borgarstjórin Hans Jóhann Sørensen segði nøkur orð og handaði Regin eina gávu.

Kvívíkar kommuna ynskir Regin hjartaliga til lukku við 25 ára starvsdegnum.

22.12.2020 varð sáttmálin millum Sp/f Grettir og Kvívíkar kommunu undirskrivaður.

Í ár fara jólatrøini í Kvívíkar kommunu at tendra soleiðis:

 

Nú er eitt ár liðið síðani, at vatnmyllan var tikin í nýtslu. Áarlon hevur frá byrjan verið hitað við orku frá vatnmylluni.

Almenni lýsti bygdaráðsfundurin, ið skuldi verða 8. november 2021 er útsettur til 9. novembur 2021 kl. 19.00.

Vegna Koronu-støðuna verður svimjihøllin stongd.

Lýst verður, tá opið verður aftur.

Kommunan hevur hin 20. oktober 2021 givið Norðurhaga v/Karstin Wang tíðaravmarkað undantaksloyvi at taða fram til 20. november 2021 niðanfyri landsvegin niðan úr Gassádali matr. nr. 403 í Kvívík.

Undantakið er givið við heimild í kunngerð nr. 72 frá 29. mai 2012 um taðing.
Undantaksloyvið er givið við teirri treyt at allar avmarkingar í kunngerðini annars verða hildnar.

Kunngerð um taðing (logir.fo)

 

Nøkur pláss eru tøk á nevndu skeiðum:

 

rudiolsen

Í gjár 4. oktober byrjaði Rudi Olsen sum fyrstilærari í Kvívíkar skúla.

Rudi hevur royndir bæði í donskum og føroyskum skúlum.

Kvívíkar kommuna ynskir Rudi vælkomnari.

Fríggjadagin 1. oktober var "Ruth", nýggjasta, størsta og mest framkomna fiskiskipið í danska fiskiflotanum, á víkini, har skipið varð signað og heilsaði kvívíkingum.

Tað er kvívíkingurin Gullak Arngrímsson Madsen, sum er eigari av hesum stásiliga fari.

Kvívíkar kommuna ynskir eigaranum bestu eydnu við nýggja skipinum.

 

Visti tú, at leivdir frá fletting dálka sera illa?

IRF fær nógvar fullar vembur inn at brenna, og tað viðførir dálkandi útlát frá skorsteininum. Tí er sera týdningarmikið at tøma vemburnar, áðrenn tær verða koyrdar burtur.

Nú stundar til kirkjuráðsval, har høvið verður at velja nýtt kirkjuráð.

Kirkjusóknin umfatar bygdirnar Kvívík, Leynar, Stykkið og Skæling.

Av tí, at talið av limum í kirkjusóknini er undir 500, er ikki krav at hava val. Men koma fleiri listar inn, so verður val.

Valið er sett at vera 2. november.

Møguleiki er at gera ein valevnislista, og skal hesin verða formanninum í valstýrinum, Knud Simonsen, í hendi í seinasta lagi kl. 17 mánadagin tann 20. september.

Í mesta lagi níggju nøvn fleiri enn tey, ið veljast kunnu í kirkjuráðið, kunnu vera á valevnislistanum.

Valevnini skulu skriva undir listan, og í minsta lagi trý og í mesta lagi fimmogtjúgu veljarar i kirkjusóknini skriva undir sum stillarar. Valevnini verða stillað upp í bókstavarøð.

Serligur listi yvir stillarar, har teir skilliga eru lýstir við navni, starvi og bústaði, skal vera lagdur hjá.

 

Valevnislisti

Nú byrja fyribyrgjandi venjingarnar aftur og verða í vetur á hesum støðum:

 

Eiði

  • Hólmahúsið
  • Mánadag og hósdag frá kl. 09-10
  • Byrjað verður mánadagin 6. sept. 2021

 

Oyrarbakki

  • Fimleikarhøllin í Skúlanum við Streymin
  • Mánadag og hósdag frá kl. 13-14
  • Byrjað verður mánadagin 6. sept. 2021

 

Kvívík

  • Fimleikarhøllin í skúlanum
  • Mánadag og hósdag frá kl. 14:30-15:30
  • Byrjað verður mánadagin 6. sept. 2021

 

Vestmanna

  • Heimið á Grønanesi
  • Týsdag og fríggjadag frá kl. 14:30-15:30
  • Byrjað verður týsdagin 7. sept. 2021

 

Tilmelding fer fram á staðnum.

Nú nátatíðin er fyri framman, vilja vit minna tykkum á serstøku leiðbeiningarnar viðv. burturbeiningini av leivdunum.

Hugsið um umhvørvið og havið hesar leiðbeiningar í huga:

  • Burturkastið skal vera so væl avvatnað sum gjørligt, fyri at minka um útlátið úr roykinum á Brennistøðini, sum kann dálka umhvørvið.
  • Fjaðrar skulu vera í posum, sum ikki eru heilt lufttættir, so posarnir ikki bresta, tá burturkastið verður handfarið víðari.
  • Leivdirnar kunnu latast inn á kommunala endurnýtsluplássið. Yvirlit yvir plássini og upplatingartíðirnar sæst her.

 

Fyribyrging av nátasjúku

Heilsufrøðiliga starvsstovan mælir til at taka hesi atlit fyri at fyribyrgja nátasjúku.

Týsdagur

  • Familjusvimjing 17:30-19:30
  • Vaksin 19:30-20:30
  • Familjur sleppa í hylin kl. 17:30 og skulu upp kl. 19. Kl. 19:30 eiga familjurnar at vera lidnar í brúsurúminum
  • Vaksin skulu upp úr hylinum kl. 20:15 og vera liðug í brúsurúminum kl. 20:30

 

Hósdagur

  • Børn í skúlaaldri 16-17:30
  • Familjusvimjing 17:30-19:30
  • Vaksin 19:30-20:30
  • Børn í skúlaaldri skulu upp kl. 17:15 og vera liðug í brúsurúminum kl. 17:30
  • Familjur skulu upp kl. 19 og eiga at vera liðug kl. 19:30
  • Vaksin skulu upp úr hylinum kl. 20:15 og vera liðug í brúsurúminum kl. 20:30

 

Leygardagur

  • Almenn svimjing 9:00-12:00

  • Øll fara upp í seinasta lagi kl. 11:30 og vera liðug í brúsurúminum kl. 12

 

Tað er ókeypis at svimja í Kvívík

 

Kunngerð um broyting í byggisamtyktini fyri Kvívíkar kommunu

Vísandi til § 6 í løgtingslóg nr. 13 frá 21. mai 1954 um býarskipanir og byggisamtyktir, sum seinast broytt við løgtingslóg nr. 19 frá 18. mars 2013, verður sagt frá, at uppskot til broyting í byggisamtyktini fyri Kvívíkar kommunu er samtykt av bygdarráðnum tann 14.06.2021 og liggur uppskotið frammi til alment eftirlit, frá 16.08.2021 til og við 07.09.2021.

Deres Majestæt

Her har vi mindestenen efter dem, som omkom ved Stella Argus’ forlis i 1957.
Stella Argus var en kulfyret trawler, bygget i England i 1925, og købt til Færøerne af A/S Kimbil i Thorshavn i 1938.
De fiskede for det meste torsk ved Grønland, Island og omkring Færøerne.
Skibet havde som oftest skipper fra Vestmanna og her fra bygden, og derfor var en stor del af besætningen også fra Kvívík og bygderne her omkring.

Om sommeren i 1957 var Stella Argus til sildefiskeri nord for Færøerne. Silden blev saltet i tønder, som blev stablet i lasten, og ofte var stabelen også høj på dækket.
De havde været en sildetur i september, og tog afsted igen på denne skæbnens tur den 30. september.
Søndag morgen den 27. oktober modtog rederiet et telegram fra skipperen, hvor han sagde, at de sejlede hjem med 828 tønder sild, og ville være inde i Thorshavn mandag aften den 28. oktober.
Søndag omkring middag talte de på Stella Argus over radioen med et andet skib, og alt var godt ombord.
Det er det sidste, man ved om skibet.

Da Stella Argus, som meddelt, ikke var kommet til Thorshavn om aftenen den 28. oktober, og man ikke fik forbindelse med dem næste formiddag, blev der sat en større eftersøgning igang, hvor omkring 20 skibe, et fly fra Keflavig og et fra Danmark deltog.
Eftersøgningen varede til den 3. november, men der var intet at finde. Absolut intet.

 

Stella Argus gik ned med en besætning på 22 mand imellem 15 og 53 år.
Eftersiddende var otte enker med 21 børn.
Otte af besætningsmedlemmerne var fra Kvívík, hvoraf fire var brødre, den yngste var 15 år. En af dem var min kones far.
Man ved ikke, hvad der skete med skibet, fordi det var ikke direkte uvejr, men dog søgang med tunge bølger. Så man formoder, at de har fået en sø ind over skibet. Og med de mange opstablede sildetønder på dækket, har stabiliteten været så dårlig, at skibet er kæntret, og gået ned på kort tid.

I forbindelse med kongebesøget i 1959, hvor Deres Majestæt deltog, tog daværende præst i Kvívík, Asger Højlund, initiativ til denne mindesten, som deres far, Frederik den 9., afslørede under stor højtidelighed.

Frásøgnin hjá Ole Jacob Nielsen

Skål i ahorn fra Williams bedstemors træ

I over 40 år har min tilgang til trædrejning været facinationen af de færøske træer og deres historier.

Det ældste træ jeg har fået, var fra Torshavns gamle provstegård, plantet i 1840’erne og præstegårdshaven i Kvívík, som V.U. Hammersheimbs kone tilplantede i 1850-erne, har også givet mig stor glæde med sine karakteristiske ahorntræer.

 

Men historien bag denne skål i ahorn, har om nogen fyldt mig med inspiration. Træet måtte lade livet på grund af et fortov i 2008. Senere blev jeg bekendt med, at her havde William Heinesens bedsteforældre havt deres hus og have, og når man i novellesamlingen "Gamaliels besættelse" læser historien om "Min romantiske bedstemor" får man hans barndomserindringer om nogle af de betydeligste inspirationskilder til hans forfatterskap.

"Til huset hørte en have med undersætsige, men frodige rønne og ahorntræer...."

"Det højeste af havens træer var, hvor den tapre skrædder sad og så kæmperne slås..."

 

Mønsteret i skålen fremkommer af, at den er taget fra det sted, hvor stammen deler sig i to. Det er som om fjermønsteret lever og synger om fuglene, som i årevis har glædet sig over solopgangen over Nolsøe fjord og William, der som den tapre skrædder, har klamret sig til de tynde grene i toppen, mens kæmperne slog hinanden ihjel nedenunder. 


Om Ole Jakob Nielsen

Født i Ikast og opvokset på Bornholm. Lærer fra Sales Seminarium med træ- og metalsløjd som speciale. Lærer på Færøerne fra 1967 til 2003. Professionel karriere som skulpturell trædrejer fra 1990. Udstillinger i bl.a. Nordens Hus, Havnafiðri, Rundetårn, Hasle, Visby, Berlin og Klaksvík. Galleri og atelier i Leynar.

ojntrae.com

Í sambandi við vitjanina hjá hennara hátign Magrethu drotning vil eg vegna Kvívíkar kommunu takka øllum, sum hava verið við til at fáa vitjanina lagda til rættis.

Takk Dánjal Joensen og Ann Sølvia Selmarsdóttir Purkhús fyri tykkara framløgur fyri drotningini. Takk fyri Ole Jacob Nielsen fyri handan og frásøgn av sera vøkru gávuni. Eisini eina stóra tøkk til kvinnurnar, sum serveraðu kaffi og annað gott fyri okkum øllum aftan á vitjanina.

Somuleiðis vil eg takka starvsfólkunum hjá Kvívíkar kommunu, sum hava syrgt fyri, at alt varð klárt til hesa fínu vitjan. Síðst, men ikki minst, vil eg fegin takka øllum borgarum og øðrum fyri at hava verið og heilsað drotningini á vitjanini í Kvívík.

 

Heilsan

Hans Jóhann Sørensen, borgarstjóri

Nú nærkast drotningavitjanin, og Margretha drotning verður í Kvívík leygardagin 17. juli.

Vitjanin byrjar á kirkjusandi kl. 13.40. Síðani verður farið til útgrevsturin og her ber til hjá øllum at koma og veittra til Margretha drotning.
Drotningin við fylgi fer síðan niðan til Mylluhúsið og inn í Áarlon. Øll eru vælkomin at standa uttan fyri stovnin og veittra til Hennara Hátign. Børn eru vælkomin at spæla úti í garðinum hesa løtuna.
Eftir at drotningin hevur vitjað í Áarlon, eru øll hjartalig vælkomin inn at fáa sær ein kaffimunn við onkrum góðum afturvið. Sunkist verður til børnini.

Øll eru vælkomin at fáa fløgg, sum verða útflýggjað á kommunuskrivstovuni í morgin og fríggjadagin frá kl. 13 til 15.

Kvívíkar kommuna gleðir seg til, at drotningin kemur at vitja og vónar, at Hennara Hátign fær ein góðan dag saman við borgarum í kommununi.

Heitt verður á fólk um at halda frástøðu.

Fylgið við Hennara hátign Margrethu drotning kemur til Kvívíkar leygardagin 17. juli.

  • Móttøka verður kl. 13:40 á Kirkjusandi, har Hans Jóhann Sørensen, borgarstjóri, saman við frú tekur ímóti. Borgarstjórin presenterar bygdaráðið, og drotningin fær handað blómur
  • Síðan verður gingið yvir til minnismerkið um Stella Argus, har Dánjal Joensen, versonur ein teirra, ið fórst við Stella Argusi, tekur ímóti
  • Frá Minnismerkinum fer drotningin til gongu stutta túrin til útgrevsturin "Niðri á Toft", har Ann Sølvia Selmarsdóttir Purkhús, fornfrøðingur frá Tjóðsavninum, tekur ímóti, og drotningin fær høvi at hyggja at útgrevstrinum
  • Frá útgrevstrinum verður drotningin koyrd fram til Mylluhúsið, har borgarstjórin fer at greiða frá vatnverkinum, sum útvegar hita til dagstovnin og skjótt eisini til skúlan
  • Síðan fer fylgið inn í Áarlon, har listamaðurin Ole Jacob Nielsen fer at presentera gávu frá Kvívíkar kommunu til Hennara Hátign
  • Kl. 14:50 er vitjanin komin at enda, og borgarstjórin heilsar Hennara hátign Margrethu drotning farvæl
  • Eftir at fylgið er farið úr Kvívík, er almenningurin vælkomin inn í Áarlon til ein kaffimunn, har høvi verður at síggja stórfingnu gávuna til drotningina frá Kvívíkar kommunu.
  • Í sambandi við drotningavitjanina verða parkeringsøkini niðri á Kirkjusandi, niðri á Túni og út ímóti ánni við Áarlon stongd fríggjakvøldið 16. juli frá kl. 18 og til leygardagin kl. 15.
  • Í hesum sambandi eru fólk vælkomin at seta bilarnar niðri í Urð og frammi í skúlanum.

Starvið sum bókavørður á Kvívíkar Bókasavni verður hervið lýst leyst at seta 1. september 2021.

Hennara hátign Margretha drotning kemur til Føroya á almenna vitjan frá 14. juli til 19. juli. Bárður á Steig Nielsen, løgmaður, er vertur fyri vitjanini.

"Vit gleða okkum nógv til vitjanina. Skráin er bæði umfatandi og fjølbroytt, og tí kann Margretha drotning gleða seg til nakrar spennandi dagar í Føroyum", sigur Bárður á Steig Nielsen, løgmaður.

Á ferðini vitjar Hennara hátign Margretha drotning í Havn, Klaksvík, Svínoy, Fuglafirði, Vestmanna, Kvívík, Vatnsoyrum, Miðvági, Toftum og á Strondum.

Leygardagin 17. juli vitjar Hennara hátign Margretha drotning í Kvívík.

Hennara hátign Margretha drotning fer at vitja útgrevsturin og vatnturbinuna.

Í Kvívík verður móttøka á Kirkjusandi, har borgarstjórin, Hans Jóhann Sørensen og frú Signe Skaaning taka ímóti. Drotningin fær eisini høvi til at heilsa upp á restina av kommunustýrinum.

Meira kunning um vitjanina verður, tá ið vitjanin nærkast.

Vit gleða okkum til at taka ímóti drotningini og vóna, at nógv koma at heilsa henni á stuttu vitjanini í Kvívík.

Kvørnin verður nýtt til at karva greinar sundur við. Um onkur borgari kundi hugsað sær at fingið eitt sindur av "flis", kann viðkomandi venda sær til kommunuskrivstovuna á tlf. 662400, ella til formannin á tlf. 292401.

  • Hans Jóhann Sørensen, borgarstjóri This email address is being protected from spambots. You need JavaScript enabled to view it. 
  • Frank Müller, varaborgarstjóri This email address is being protected from spambots. You need JavaScript enabled to view it. 
  • Oluf Müller, This email address is being protected from spambots. You need JavaScript enabled to view it.  
  • Michael Shemesh, This email address is being protected from spambots. You need JavaScript enabled to view it. 
  • Marjun Danielsen, This email address is being protected from spambots. You need JavaScript enabled to view it. 
  • Jóhanna Vang, This email address is being protected from spambots. You need JavaScript enabled to view it.  
  • Nelly Haakonardóttir Debes, This email address is being protected from spambots. You need JavaScript enabled to view it. 

Bygdaráðið tók 16. desember støðu til at taka av tilboðnum upp á kr. 1.113.650,- við Sp/f Grettir um lendisarbeiðið av Ellisheiminum í Leynum.

Leygardagin varð sáttmálin millum Sp/f Grettir og Kvívíkar kommunu undirskrivaður. Arbeiðið fer í gongd fyrst í 2021, og arbeiðið verður liðugt á sumri í 2021.

Bygdaráðið tók 30. november støðu til at taka av tilboðnum uppá kr. 4.179.567,00 við Sp/f Konsax um Vinnuøkið omanfyri Stykkið.

Í dag varð sáttmálin millum Konsax og Kvívíkar kommunu undirskrivaður. Arbeiðið fer í gongd 14. desember 2020, og arbeiðið verður liðugt á sumri í 2021.

Saman við IRF, fer Kvívíkar kommuna undir eina verkætlan at bjóða sínum borgarum eitt sett av Bokashi spannum.
Í einum setti av Bokashi eru tvær spannir og 1kg av kompostger.
Bokashi er ein máti at endurvinna matleivdir við hús. Í bokashi-tilgongdini verður tilfarið (matleivdirnar) súrgað, eins og tá vit súrga mjólk ella grønmeti. Tilgongdin verður kallað fermentering og er anaerobisk. Hvørja ferð, tú koyrir matleivdir í bokashi-spannina, verður kompostger latin omanyvir (Hendan gerin fylgir við bokashi-settinum).

 

Diana Jacobsen, Undir Gráasteini 1, 340 Kvívík: 4 atkvøður

Elisa Abrahamsen, Uppi í Trøð 9, 340 Kvívík: 9 atkvøður

Jacoba Vang Petersen, Ovari Vegur 38, 335 Leynar: 5 atkvøður

Jónhild Johansen, á Heygnum 15, Kvívík: 3 atkvøður

Luciana Santos, Frammi í Gerði 9, 340 Kvívík: 3 atkvøður

Maria Vang, Gerðisgøta 8, 340 Kvívík: 2 atkvøður

Marjun Danielsen, Úti á bø 8, 340 Kvívík: 8 atkvøður

Morten Hust Petersen, Víkarvegur 29, 340 Kvívík: 10 atkvøður

Sigrun Helga Magnussen, Leynarvegur 59, 335 Leynar: 2 atkvøður

Vald sum foreldraumboð í skúlastýrið eru Morten Hust Petersen, Elisa Abrahamsen og Marjun Danielsen.

 

 

 

 

 

 

 

 

Valúrslitið sæst við at trýsta á leinkjuna.

http://kvf.fo/kv2020

Í gjárkvøldið skipaði nývalda bygdaráðið í Kvívíkar kommunu seg.  

Hans Jóhann Sørensen er valdur til borgarstjóra.

Frank Müller er valdur til varaborgarstjóra

Almenn móttøka verður í morgin hósdagin frá kl. 17.00 til 19.00 í samband við at Vatnmyllan verður tendrað.
Vatnorkuætlanin er slóðbrótandi í Føroyum. Við minivatnorku ætlanini verður møguligt hjá kommununi at hita allar kommunalar bygningar í Kvívík við verkinum, samstundis sum árinini á náttúruna er heilt lítil.

Ætlanin er sostatt at taka eitt stórt fet á leiðini at minka um útlát av vakstarhúsgassi í kommununi.

Kommunan fylgir corona tilmælinum og tískil skulu fólk møta í Látipípuni í Áarlon.

Vitjanartænastan hjá Reyða Kross Føroya er nú eisini í Kvívík 
Tann 19. oktober 2020 vóru Jóannes, Eyrith og Marin í Kvívík saman við borgarstjóranum Hera Müller, formanninum í trivnaðarnevndini Ragnar Isaksen og samskipaðu Vitjanartænastu í Kvívík saman við Reyða Kross Føroya.
Tað er Brynhild Joensen og Nelly H. Debes sum umsita Vitjanartænastuna í Kvívík.

12. oktober byrjaði Jákup Sundsstein Jóanesarson sum leiðari á Dagstovninum í Áarlon í Kvívík. Jákup hevur nógvar ymsar royndir innan námsfrøðiliga økið. Kvívíkar kommuna ynskir Jákupi vælkomnum.

Stórur fólkavøkstur hevur verið í Kvívíkar kommunu í 2020. Fyrsta januar í ár búðu 597 fólk og í dag búgva 630 fólk í kommununi, sum so eisini er tað hægsta nakrantíð. Hægsta skrásetingin áðrenn var í august 2006, tá tað vóru 618 fólk skrásett. Kommunan væntar, at fólkatalið fer at økjast munandi komandi árini.

 

Nógvur fuglur er ofta at síggja í Kvívík. Um tú gongur tær ein túr fram við ánni, kanst tú síggja fleiri ymisk fuglasløg. Ein av smáfuglunum, sum ofta er at síggja eru tjaldursgrælingar, sum síggjast á myndini.

Stórur áhugi er fyri at seta búgva í Kvívíkar kommunu. Seinastu kommunalu grundøkini í Leynum vóru seld fyri tveimum  árum síðan. Í løtuni ger PF/Tórhall Hansen 7 grundøki afturat í Leynum. Eftir ætlan verða grundøkini klár á várið 2021. Øll grundøkini, sum eru í gerð eru seld. Fólk, ið ynskja grundøkini í kommununi kunnu seta seg á bíðilistan.

KVÍVÍKAR KVØLDSKÚLI 2020 / 2021

1. MØBLAPOLSTRING
Undirvísari: Jóhannes Bláfoss
Tíð: leygardag kl. 09.30 - 16.30
Í 2020 viku: 43, 45, 47 & 49
Í 2021 viku: 3, 5, 7, 9, 11 & 13

Vallistarnir til kommunuvalið 10. november 2020 liggja frammi til alment eftirlit á kommunuskrivstovuni í vanligu avgreiðslutíðini frá 07.10.2020 til og við 19.10.2020. Kæra um, at onkur ikki er komin á listan, ella at onkur av órøttum er tikin við, skal vera send kommununi í seinasta lagi 1 viku fyri valdagin.

Nú føroyska samfelagið enn einaferð hevur megnaÐ at fáa tamarhald á COVID-19 smittuni, og heilsumynduleikarnar ídag kenna meira til smittuna enn fyri bert fáum mánum síðan, meta vit tað vera tíð til at lata enn meira upp fyri vitjanum. Hetta verður gjørt í andanum av, at tað – umframt á starvsfólkunum – eisini áliggur hvørjum einstøkum vitjandi at tryggja, at smittan ikki verður borin inn á heimini.

 

Nú skúlarnir byrjar aftur, fer skúlabussurin at koyra sum vanligt.
Kvívíkar kommuna mælir til at fylgja almennu tilmælinum um at brúka munnbind í bussinum.

 

1. juli varð Petur Müller settur í starv sum sløkkiliðsleiðari.

Kvívíkar kommuna ynskir honum bestu eydnu í nýggja starvinum.

Kunning frá NET
Góðu kvívíkingar,

Ein spennandi tíð stendur fyri framman, tí í næstum fara vit í holt við at leggja fipurkaðlar inn til hvørt húsarhald í Kvívík í sambandi við stóru verkætlanina at leggja fipurnet kring alt landið.

Í sambandi við, at kommunan ætlar at tøma bátahylin Niðri í Urð í Kvívík, heitir kommunan á borgarar, sum hava eitthvørt liggjandi, um at fáa hetta burtur. Um borgarar ikki hava tikið teirra lutir innan 11. mai 2020, verður hetta gjørt fyri eigarans rokning.

Kommunnan arbeiðir støðugt við at menna heimasíðuni, so tað skal verða lættari hjá borgarunum at finna upplýsingar. Um tað er eitthvørt, ið væntar á heimasíðuni ella annað, ið kann verða við til at betra um heimasíðuna, eru tit altíð vælkomin at geva okkum eitt preið um hetta á This email address is being protected from spambots. You need JavaScript enabled to view it.