Brenna bál

Áðrenn tú ætlar at kynda bál, skal umsókn sendast kommununi til góðkenningar.
Tá ið talan er um stórt bál, er ikki loyvt at kynda, fyrr enn loyvi er givið.
Bál, sum eru størri enn 1,2 m í tvørmáti, eru at rokna sum stór bál.
Loyvi verða latin av kommununi, treytað av, at bál ikki er til ampa og vanda fyri grannalagið.

Vegleiðing

Sambært kunngerð um burturkast nr. 147 frá 19. oktober 1995 er krav, at góðkenning skal fáast frá kommununi at brenna størri bál. Harumframt skal skrivligt loyvi fáast frá eigaranum av lendinum, har bálið verður brent.

Treytirnar fyri at fáa loyvi eru hesar:

• at bert reinur, óviðgjørdur og turrur viður verður nýttur
• at støddin á bálinum er í mesta lagi 3 metrar í diametur og 2 metrar í hædd
• at bál, størri enn 3 metrar í diametur og/ella 2 metrar í hædd, skulu frammanundan góðkennast av sløkkiliðinum við sýn á staðnum og verða bert loyvd, um sløkkiliðið metir trygd og frástøðu vera í lagi
• at veðrið er til vildar, og vindferðin skal í mesta lagi verða 15 m/s
• at frástøða til hús og lutir er nóg stór
• at ábyrgdarpersónurin er á staðnum
• at navn, bústaður og fartelefonnummar verður upplýst
• at, um neyðugt verður hjá sløkkiliðinum at fara á staðið at sløkkja ella rudda, er tað navngivni ábyrgdarpersónurin, ið fær rokningat økið verður ruddað í seinasta lagi dagin eftir

Mælt verður til at hava spannir ella vatnkør á staðnum til sløkking ella køling í sambandi við møguligar brunaskaðar. Sera umráðandi er, at fýrverk ikki verður tveitt á bálið. Hesar treytir skulu tryggja, at bálbrenningin verður gjørd við skynsemi, umframt at minst møgulig umhvørvisárin standast av brenningini