Kvøldseta
“Lív og virki hjá Jóan Petur Uppi í Trøð”
Kvøldseta verður mikukvøldið 23. apríl kl. 19.00 í Frøishøllini, við forkunnugum fyrilestri, sangframførslum o.ø. ið er tengt at Jóan Petur Uppi í Trøð, og tíðini hann livdi og virkaði í Kvívík seinna partin av 1800 talinum.
Kvøldsetan verður samstundis ein markering av, at húsini har Jóan Petur vaks upp og búði sum vaksin, nú eru endurreist, og standa sum ein virðiligur varði og savn yvir rithøvundan og skaldið Jóan Petur uppi í Trøð.
Tað er Grækaris Joensen, ið hevur staðið fyri at endurreisa húsini.
Aftaná kvøldsetuna í Frøishøllini verður høvi at vitja húsini og savnið har okkurt gott eisini verður til matna.
Kvívíkar Sóknar Fornminnisfelag
Onnur tíðindi
Val til Kirkjuráðini er lýst at verða 4. Novembur, 2025. Kirkjusóknin umfatar bygdirnar Kvívík, Leynar, Stykkið og Skæling.
Her er kvøldskúlaskráin fyri veturin 2025/26 Skráin verður borin út í viku 38. Tilmeldingin letur upp 2. oktobur kl. 15.00. Tilmeldingin fer fram á eini leinkju, sum verður løgd á heimasíðu okkara, áðrenn tilmeldingin letur upp. Tilmeldingin endar sunnudagin 6. oktober, kl. 12:00.
Mánadagin 18. august fekk Edvard Petersen handað lærubræv, nú hann er útlærdur húsavørður.