Kristian Martin Elmelund Kjærbæk útlærdur húsavørður
Hósdagin 8. mai fekk Kristian Martin handa lærubræv nú hann er útlærdur húsavørður.
Í hesum sambandi var ein lítil hátíðarløta saman við starvsfeløgum á kommunuskrivstovuni.
Útbúgvingin sum húsavørður, er ein sera fjølbroytt útbúgving, har ein fær grundleggjandi vitan um umsiting av hita- og ventilatiónsskipanum og el- og vatnveitingum. Man lærir um viðlíkahald av bygningum, at gera smærri umvælingar og at samstarva við handverkarar í sambandi við størri uppgávur og mangt annað.
Kvívíkar kommuna ynskir Kristian Martin hjartaliga tillukku við útbúgvingini, og blíðan byr á yrkisleið síni.
Onnur tíðindi
Í summar er ætlanin hjá Kvívíkar kommunu at halda fram við arbeiðinum at gera kloakkina lidna í Kvívík.
Í farnu viku var árliga verkætlanin ‘Closed for Maintenance’ hjá Visit Faroe Islands aftur. Í Kvívíkar kommunu var ein bólkur í Leynum og bøtti upp á bygdgøtuna millum Leynar og Kollafjørð.
Í komandi viku (viku 18) byrjar reinsitænastan hjá IRF at tøma rottangar á Válinum og í Kvívík.