Árligi gongutúrurin 2. hvítusunnudag
Tann 9. juni skipar kommunan saman við hagastýrinum í Frammihaga fyri gongutúri av Mýrunum og niðan á Sneis. Síðani verður gingið oman eftri Stígunum, oman í dalin norðan fyri Leynavatn, vanliga kallað "Frammi í Dal", har borðreitt verður við suppu og øðrum góðum á rættini hjá Frammihaga.
Sera náttúruvakurt er Frammi í DAl, og eisini eru góðar umstøður hjá børnum og øðrum barnsligum sálum at spæla í ánni, fanga síl og annars bara njóta vøkru náttúruna har um leiðir.
Byrjað verður úr Kvívík kl. 14.00, har bussur koyrir fram á Mýrarnar omanfyri Vestmanna.
Tiltakið verður liðugt uml. kl. 19.00. Bussur koyrir frá Leynavatni og heim til Kvívíkar.
Tilmelding áðrenn 4. juni 2025 á tlf. 662400 ella á teldupost bústað kvivik@kvivik.fo
Havi góð gangiklæðir við.
Minnist til at hundar mugu ikki takast við í hagan.
Onnur tíðindi
Ein sera góð og væl fyriskipað vika er farin aftur um bak. Hellufossur hevur tikið stig til og staðið á odda fyri einari rimmar viku við rørslu, hugna og undirhaldi, sum hevur verið fyri alla familjuna – ung sum eldri. Skráin hevur verið serstakliga fjølbroytt og hevur veruliga havt allar aldursbólkar og ymiskleika í huga.
Vit søkja eftir einum lærara í tíðaravmarkað starv vegna barnsburðarfarloyvi at byrja 01.09.25 fram til 19.06.26
Vegna vatnleka verður skrúva fyri vatninum á Eystaru Hellu í morgin, 03.06.2025 frá kl. 09.00 til arbeiðið er liðugt