Ung í arbeiði 2024
Av tí at so lítil undirtøka er millum næmingar sum verða lidnir í 9. flokki í summar, verður hetta tilboði eisini galdandi fyri eldri skúlanæmingar.
Kvívíkar kommuna bjóðar aftur í ár ungdóminum at gera smærri umvælingar, so sum at lúka, sópa gøtur, mála, rudda og annars fríðka um kommununa. Arbeiðið gongur fyri seg millum 24. juni og 5. juli.
Tilboðið er galdandi fyri ungdómar í Kvívíkar kommunu, sum verða lidnir við 9 og 10 flokk í summar. Tey sleppa til arbeiðis í tvær vikur. Arbeiðstíðin er 8 tímar um dagin frá kl. 8 til 16, fimm dagar um vikuna.
Tilmelding fer fram við at koma inn á kommunuskrivstovuna, ella við at ringja 662400 ella 292408, eisini kann fráboðan sendast við telduposti til kvivik@kvivik.fo.
Í tilmeldingini skal upplýsast navn, telefonnummar, adressa, teldupostadressa, p-tal og kontonummar.
Onnur tíðindi
Lastbilurin verður seldur, sum hann stendur. Hevur tú fyrispurningar, ert tú vælkomin til at ringja á 292401
Í gott tvær vikur hava 10 ungdómar verið ”Ung í arbeiðið”. Byrjað varð 27 juni og uppgávurnar vóru fleiri. Tey vóru deild upp í bólkar, alt eftir hvar tey skuldu arbeiða.
Móttøkan, sum skuldi verða í Miðhøllini í Vestmannaskúla í kvøld fyri landsliðsspælarunum er avlýst, tí fleiri teirra ikki kunnu møta kortini.