Skrivstovufólk til Kvívíkar kommunu

Arbeiðsuppgávurnar eru í høvuðsheitum

• Arbeiða við journalskipanini
• Røkja heimasíðuna
• Samskipan av ymiskum
• Umframt aðrar fyrifallandi skrivstovuuppgávur

Førleikakrøv

• Tú hevur skrivstovuútbúgving.
• Tú hevur góðar telduførleikar og gott hegni at seta teg inn í nýggjar telduskipanir.
• Tú hevur áhuga í og førleika til málsviðgerð.
• Tú hevur góðar málsligar førleikar í føroyskum, donskum og enskum.
• Tú megnar at arbeiða sjálvstøðugt – og samstundis at arbeiða í tøttum samstarvi við onnur starvsfólk.
• Tú ert fleksibul, tí arbeiðs-trýstið er ymiskt, og partar av arbeiðnum koma at liggja  uttanfyri vanliga arbeiðstíð.
• Tú dugir væl at lurta og vera jalig-/ur og siðilig-/ur.
• Tú ert væl skipað/-ur, hevur evni at hava fleiri bóltar í luftini í senn og letur teg ikki  streingja av hesum. Samstundis ert tú fleksibul og før-/ur fyri at tillaga teg, um umstøður ella uppgávur broytast.
• Tú hevur góðar sosialar førleikar og jaligan hugburð.
• Tú hevur kunnleika til og helst royndir innan kommunala umsiting. 

SETANARVIÐURSKIFTI

Løn verður ásett sambært sáttmála millum Kommunala Arbeiðsgevarafelagið og Starvsfelagið.

Arbeiðstíðin er 30 tímar um vikuna. Í arbeiðstíðini kann roknast við fundarluttøku, sum liggur uttanfyri vanliga arbeiðstíð.

Umsóknir við prógvum, lívsrensl og øðrum viðkomandi skjølum, skulu sendast til: kvivik@kvivik.fo í seinasta lagi 16. aug 2026. Nærri upplýsingar fáast við at venda sær til Rannvá Isaksen, kommunuskrivara á telefon 292408 ella Hans Jóhann Sørensen, borgarstjóra, á telefon 292402.

Kommunan tilskilar sær rætt til frítt at velja millum umsøkjararnar ella ongan at seta.