Nýtt stýri í VEKS
Nú hevur stýrið fyri heimatænastuna í VEKS skipað seg.
Sára Jógvansdóttir er forkvinna, og Hans Jóhann Sørensen er næstformaður. Tey vóru bæði limir í undanfarna stýri, og eru nú borgarstjórar í ávikavist Vestmanna kommunu og Kvívíkar kommunu.
- Menningin hevur verið stór, og haldast skal fram við kósini, sum er løgd, bæði so øll fáa ein góðan aldurdóm, og at vit eru til reiðar at lofta avbjóðingunum við broyttu fólkasamansetingini, sigur Sára Jógvansdóttir, forkvinna í VEKS.
Hinir stýrislimirnir í VEKS eru Jógvan í Skorini úr Eiðis kommunu, Anja Haldansen úr Vestmanna kommunu, og Eyðstein Zachariassen, Jóhanna Paula við Streym og Jógvan Kruse úr Sunda kommunu.
Undanfarna stýri legði eina framskygda langtíðarætlan fyri økið, sum m.a. inniber, at øll sum vilja búgva heima skulu kunna tað við røttu hjálpini, og at rørsla, fyribyrging og sosialur felagsskapur verður sett inn frá 67 ár. Hesari leiðini fer nýggja stýrið at arbeiða víðari við.
Ein av fyrstu uppgávunum hjá nýggja stýrinum er at fundast við nýggja Eldraráðið í VEKS, sum var valt í heyst. Eldraráðið fer m.a. at ráðgeva nýggja stýrinum.
VEKS er eldrasamstarv millum Vestmanna,- Eiðis,- Kvívíkar- og Sunda kommunu.
Onnur tíðindi
Val til Kirkjuráðini er lýst at verða 4. Novembur, 2025. Kirkjusóknin umfatar bygdirnar Kvívík, Leynar, Stykkið og Skæling.
Her er kvøldskúlaskráin fyri veturin 2025/26 Skráin verður borin út í viku 38. Tilmeldingin letur upp 2. oktobur kl. 15.00. Tilmeldingin fer fram á eini leinkju, sum verður løgd á heimasíðu okkara, áðrenn tilmeldingin letur upp. Tilmeldingin endar sunnudagin 6. oktober, kl. 12:00.
Mánadagin 18. august fekk Edvard Petersen handað lærubræv, nú hann er útlærdur húsavørður.