Jóansøkubál á Leynasandi

Byrjað varð við colorrun av  Skælingi kl. 14. sum endaði á Leynasandi, har skráin helt fram við góðum barnatiltøkum og fjølbroyttum tónleiki.

Fitt av fólki var samlað á sandinum allan dagin, hóast veðrið ikki varð av tí allar besta. Børnini hugnaðu sær óført í gummibátum í ósanum og øðrum spølum á sandinum.

Sum altíð vóru góð tónleikainnsløg á skránni, sum bæði vóru til børn og vaksin. Ongin nýttist at sita svangur, tí fólk úr svimjifelagnum Hellufossi  syrgdu, sum ikki einaferð fyri, at grilla pylsur og góðum tvíflísum.

Í ár var tað Hellufossur sum samskipaði tiltakið saman við kommununi.