Kunning um kirkjuráðsval
Val til Kirkjuráðini er lýst at verða 4. Novembur, 2025.
Kirkjusóknin umfatar bygdirnar Kvívík, Leynar, Stykkið og Skæling.
Valevnislistar skulu verða formanninum í valstýrinum, Tórarinn á Rípuni, í hendi í seinasta lagi týsdagin tann 23. september kl. 22.
Smb. Løgtingslóg kunnu í mesta lagi 9 nøvn fleiri enn tey, ið veljast kunnu í kirkjuráðið, vera á valevnislistanum, t.v.s. í Kvívík er hetta talið 15.
Valevnini skulu skriva undir listan, og í minsta lagi 3 og í mesta lagi 25 veljarar i kirkjusóknini skriva undir sum stillarar. Valevnini verða stillað upp í bókstavarøð. Serligur listi yvir stillarar, har teir skilliga eru lýstir við navni, starvi og bústaði, skal vera lagdur hjá.
Tómir listar kunnu takast niður her, valevnislistar.
Eisini er møguligt at koma inn á kommunuskrivstovuna eftir tómum valevnislistum.
Onnur tíðindi
Her er kvøldskúlaskráin fyri veturin 2025/26 Skráin verður borin út í viku 38. Tilmeldingin letur upp 2. oktobur kl. 15.00. Tilmeldingin fer fram á eini leinkju, sum verður løgd á heimasíðu okkara, áðrenn tilmeldingin letur upp. Tilmeldingin endar sunnudagin 6. oktober, kl. 12:00.
Mánadagin 18. august fekk Edvard Petersen handað lærubræv, nú hann er útlærdur húsavørður.