Sámal Jákup Petersen 100 ár.

Tað var ein stórur dagur í Leguhúsinum í Nesvík leygardagin. Tí Sámal Jákup, sum býr á Mørkini, helt sín 100 ára føðingardag í leguhúsinum. Har nógv fólk kom á gátt. Tað er okkum vitandi ikki hent áður, at nakrar í Kvívík hevur rundað tey 100 árini.

Sámal Jákup er føddur í 1925 í Kvívík og alt sítt lív búleikast í har. Í 1949 giftist Sámal Jákup við Elsu Petersen sum varð ættað úr Vestmanna. Elsa doyði í 2022. Tey fingu seks døtur.

Sámal Jákup, sum er útbúgvin skipari, sigldi fyrstu árini. Síðani koyrdi hann lastbil, og seinni fór hann at koyra rutubil. Eisini koyrdi hann skúlabørn fyri Kvívíkar kommunu í nógv ár. Sámal Jákup hevði eisini koyrikall til og úr Mjørkadali, og hetta hevur hann fingið heiðursmerkið fyri frá Færøernes Kommando.

Sámal Jákup Petersen sæt í kommunustýrinum fyri Kvívíkar Sókn í 1970 unum og sat sum borgstjóri frá 1976 til 1980.

Sámal Jákup hevur verið virkin heilt fram á ellisár, og dámdi honum sera væl at fara á flot. Bátur hansara Nósin var manga at síggja á víkini, og førdi hann mangan fongin heim.

Kvívíkar kommuna ynskir Sámal Jákup hjartaliga til lukku.

Her heilsar Jona Jacobsen, varaborgarstjóri, upp á Sámal Jákup

Sámal Jákup Petersen 100 ár.

Onnur tíðindi