VIT GANGA!
Skuldi tú verið so heppin at sæð fleiri fólk til gongu í Vestmanna, Kvívík, Sunda og Eiðis kommunu, og aðrastaðni við, so kunnu tað vera starvsfólk í VEKS, sum kýta seg.
Vit í VEKS eru júst farin undir eitt heilsuátak, Virkin oktobur er jú nú, sum eggjar øllum starvsfólkum í VEKS at ganga ella renna so nógv sum gjørligt hesar komandi seks vikurnar.
Endamálið er heilsufremjan, men eisini ein roynd at flætta saman teir tættir í virkisætlanini hjá VEKS, sum eggja til fyribyrging og viðlíkhaldsvenjing, við ein virknan starvsfólkahóp, sum virkar eftir somu virkisætlan sum brúkararnir verða eggjaðir til.
VEKS letur starvsfólkunum heilsuur sum gávu, ið verða nýtt sum skrásetingartól fyri gangi og rennivirkseminum hjá starvsfólkunum.
Tíðarskeiðið vit kappast er frá 21. Oktobur. til 5. Desembur. Vinningar verða lætnir til tríggjar teir ídnastu luttakararnar, tá kappingin er endað.
Ætlanin er at líknandi gonguátøk verða skipaði fyri brúkarar í VEKS framyvir.
Onnur tíðindi
Barnaverndartænastan í VEKS søkir eftir skrivstovufólkið, at byrja frá 1. januar 2026 ella eftir avtalu.
Kvívíkar kommuna samtykti á fundi 28. august 2025, at broyta byggisamtyktina fyri Kvívík. Ætlanin er at broyta part av matr.nr. 191a og part av matr.nr. 402a í í Kvívík.
Frá leygardegnum 11. oktobur til mánadagin 20. oktobur er svimjihylurin stongdur.