Edvard Petersen útlærdur húsavørður
Mánadagin 18. august fekk Edvard Petersen handað lærubræv, nú hann er útlærdur húsavørður.
Í hesum sambandi var ein lítil hátíðarløta saman við starvsfeløgum á kommunuskrivstovuni.
Útbúgvingin sum húsavørður, er ein sera fjølbroytt útbúgving, har ein fær grundleggjandi vitan um umsiting av hita- og ventilatiónsskipanum og el- og vatnveitingum. Lært verður um viðlíkahald av bygningum, at gera smærri umvælingar og at samstarva við handverkarar í sambandi við størri uppgávur og mangt annað.
Kvívíkar kommuna ynskir Edvard hjartaliga til lukku við útbúgvingini, og blíðan byr á yrkisleið síni. Edvard heldur fram sum húsavørður hjá Kvívíkar kommunu.
Onnur tíðindi
Barnaverndartænastan í VEKS søkir eftir skrivstovufólkið, at byrja frá 1. januar 2026 ella eftir avtalu.
Kvívíkar kommuna samtykti á fundi 28. august 2025, at broyta byggisamtyktina fyri Kvívík. Ætlanin er at broyta part av matr.nr. 191a og part av matr.nr. 402a í í Kvívík.
Frá leygardegnum 11. oktobur til mánadagin 20. oktobur er svimjihylurin stongdur.