Tænastugjøld á tóm býli

Kvívívík kommuna hevur á fundi 30.10.2025 einmælt samtykt at áseta tænastugjald á tóm býli galdandi. Smtykt varð at gjaldið skal setast so høgt sum til ber og setast í gildi skjótt sum tað ber til. Á bygdaráðsfundi 29.01.2026 var samtykt at seta tænastugjaldi á 7945,- kr í gildi. Rokning verður send hálvárliga og fyrsta rokning verður send fyri seinna hálvár 2026.

Ásetingin byggir á nýggja lógarheimild, sum gevur kommunum møguleika at krevja tænastugjald fyri býli, har eingin er skrásettur at búgva sambært Landsfólkayvirlitinum, men har kommunan kortini er áløgd at veita grundleggjandi tænastur fyri:

Vatnveiting
Fráveiting av kloakk
Burturbeining av húsarhaldsburturkasti
Brunatilbúgving

Lógin ásetur, at um ein kommuna velur at nýta hesa heimild, skal tænastugjaldið krevjast fyri øll tóm býli í kommununi, uttan mun til um eigarin sjálvur býr í kommununi ella ei.

Tænastugjaldið er sett í samsvari við lógina soleiðis, at tað:

hvílir í sær sjálvum
fevnir einans um veruligar útreiðslur
liggur undir ásettum hámarki fyri 2026, sum er kr. 7.945,- pr. býli.

Umsitingin hjá Kvívíkar kommunu hevur gjørt eina nágreiniliga útrokning av rakstrarkostnaðinum fyri viðkomandi tænastur. Bygt á miðal rakstrartøl fyri árini 2020–2024, og sambært upplýsingum úr bygningsskránni, er miðal kostnaðurin roknaður til kr. 8.064,- pr. býli um árið svarandi til 625 kr. pr. mðr.

Tænastugjaldið kemur í gildi 1. juli 2026. Kommunan hevur gjørt av gjaldið verður kravt inn hálvárliga og eigarar av tómum býlum fáa nærri kunning um innkrevjing og gjaldsfreistir seinni í vár.

Tænastugjøld á tóm býli

Onnur tíðindi