Fráboðan um fund í Náttúrufriðingarnevndini
Við hesum verður boða til ástaðarfund í nevndini hósdagin 20. juni 2024 kl. 1000 Møtt verður við brúnna á sandinum við Leynarvatn, Leynar markatalsbygd.
Til viðgerðar: Umsókn um loyvi at umvæla ein ”vegastubba” við betong í Dalánni frammanfyri Leynavatn
hjá hagapartinum Presthaga, Frammi í Haga, í Kvívíkar markatalsbygd.
Eigarar, brúkarar ella onnur, ið hava rættindi, kunna møta á staðnum og kunna tey, ið møta á fundi, fáa høvi til at bera síni sjónarmið fram munnliga ella við skrivliga at lata tey inn.
Tey, ið hava fingið fundarboð, og ikki ynskja at koma til fundar, eiga rætt til skrivliga at senda nevndini umrøðu av málinum, sambært § 13 stk. 5 í náttúrufriðingarlógini (løgtingslóg nr. 48 frá 9. juli 1970 um náttúrufriðing). Umrøðan má í seinasta lagi verða sýslumanninum í hendi fundardagin.
Kristjan Martin Joensen,
sýslumaður
Onnur tíðindi
Valevnislistar til kommunuvalið 12. novembur 2024 mugu vera valnevndarforkvinnuni ella kommununi í hendi í seinasta lagi týsdagin 22. oktobur kl. 18.00, tríggjar vikur undan valdegnum.
Skuldi tú verið so heppin at sæð fleiri fólk til gongu í Vestmanna, Kvívík, Sunda og Eiðis kommunu, og aðrastaðni við, so kunnu tað vera starvsfólk í VEKS, sum kýta seg.
Kavarudding og salting verður framyvir avgreidd á hendan hátt. Kavarudding og saltinga av vegunum er flokka í 3 stig. Har stig 1 er fyrsta raðfesting síðan 2 og 3, bæði tá talan er um kavarudding og salting.